Продкі журналіста «Бі-Бі-Сі», які размаўляў з Лукашэнкам, паходзяць са Шклоўшчыны

Журналіст «Бі-Бі-Сі» Стыў Розэнберг, які на мінулым тыдні браў інтэрв’ю ў Аляксандра Лукашэнкі, мае беларускія карані. У прыватнасці, некалькі гадоў таму журналіст напісаў у сваім Twitter, што ягоны прадзед нарадзіўся на Шклоўшчыне.

Журналіст Бі-Бі-Сі Стыў Розэнберг. Фота: president.gov.by

Стыў Розэнберг яшчэ два гады таму распавёў пра свае карані: ягоны прадзед Хаім-Іцка Абелеў Гнесін нарадзіўся ў Шклове ў Магілёўскай губерні.

«Я не бачыў майго прадзеда, але часта пытаюся ў сябе, што б ён сказаў на тое, што ягоны праўнук цяпер жыве і працуе ў Маскве», – сказаў Розэнберг.

Прадзед журналіста зʼехаў з Расейскай імперыі ў 1894 годзе ў Англію.

Лукашэнка — таксама нарадзінец Шклоўшчыны, з вёскі Александрыя.

Лукашэнка: «Калі Пуцін сядзе размаўляць з Навальным, я імгненна са Святланай пачну весці перамовы»

СК belsat.eu

Падпісвайся на telegram Белсату

Hавiны