Палітзняволеная актывістка Вольга Гарбунова спыніла галадоўкі, якая адбывалася амаль два тыдні. Пра гэта ў Facebook паведаміла ейная сяброўка Вольга Ланеўскаяю
«Воля выходзіць з галадоўкі. З’явіўся матрац і магчымасць спаць ноччу. Атрымалася перадаць лекі, перадачу і адправіць пасылку. Воля ўсіх дзякуе за падтрымку і перадае прывітанне», – напісала яна.
Вольга Гарбунова – вядомая фемактывіста, была кіраўнічка прытулку для ахвяраў хатняга гвалту «Радзіслава». Яе затрымалі 9 лістапада бягучага году як падазраваную паводле арт.342 КК РБ («Арганізацыя альбо актыўны ўдзел у дзеяннях, якія груба парушаюць грамадскі парадак»).
У дзень затрымання Вольга абвесціла галадоўку.
МГ belsat.eu