Рэдактара «Виртуального Бреста» Андрэя Кухарчыка асудзілі за камэнтар пра дэпутата Ігара Марзалюка. Пра гэта паведамляе ПЦ «Вясна».
У чацвер у Маскоўскім судзе Берасця пачаўся, а ў пятніцу ўжо завяршыўся разгляд крымінальнай справы ў дачыненні Андрэй Кухарчыка, рэдактара сайта «Віртуальны Брэст». Працэс вёў суддзя Яўген Брэган.
Кухарчыку выставілі абвінавачванне па артыкуле 369 Крымінальнага кодэксу («Абраза прадстаўніка ўлады»). Паводле версіі следства, у телеграм-чаце «Обсуждаем опасный Брест» пад фатаграфіяй дэпутата Палаты прадстаўнікоў Ігара Марзалюка, Кухарчык напісаў каментар.
Калі судзіць па публічнага відэа МУС наконт гэтай справы, каментар быў наступны:
«Народ избили, а депутат: «Забыть обиды и начать с чистого листа». Вот прикорытная [..]»
За гэты дзяржабвінавачанне прапанавала прызначыць журналісту паўтара года «хатняй хіміі». Суддзя Брэган менавіта такое пакаранне ў выніку і прызначыў.
Сёння, 23 кастрычніка, сайт «Виртуального Бреста» быў заблакаваны на тэрыторыі Беларусі.
ІІ belsat.eu
