Паліцыя Расеі абвесціла ў вышук беларуса, які выкрыў катаванні ў расейскіх турмах


Сяргея Савельева – беларускага айцішніка, які перадаў відэа з катаваннямі ў расейскіх турмах праекту Gulagu.net, абвесцілі ў вышук у Расеі. Беларус знаходзіцца ў базе вышуку МУС РФ.

Сяргей Савельеў, які выкрыў катаванні ў расейскіх турмах, абвешчаны ў вышук МУС РФ.
Фота: МУС РФ

Сяргей Савельеў жыў у Расеі. У 2013 годзе знаёмыя папрасілі перадаць торбу, у якой былі наркотыкі. Сяргей кажа, што не ведаў пра змесціва торбы. У 2015 годзе Сяргея асудзілі на дзевяць гадоў. Ён адбываў пакаранне ў Саратаўскай вобласці і таксама падвяргаўся жорсткаму абыходжанню.

Hавiны
Беларус, які выкрыў катаванні ў расейскіх калоніях, просіць палітычнага прытулку ў Францыі
2021.10.16 11:36

Як ІТ-спецыяліста яго вымусілі супрацоўнічаць з турэмнай службай, на працягу гэтага часу ён кіраваў камп’ютарнай сеткай турмы і забяспечваў доступ да відэафайлаў з усёй расейскай пенітэнцыярнай сістэмы. Гэта дазволіла яму атрымаць доступ да відэазапісаў катаванняў, якія практыкаваліся ў калоніі, і перадаць іх праваабаронцам.

Артыкулы
«Я здолеў стаць даволі высокай велічынёй там». Беларус, які выкрыў катаванні ў расейскіх калоніях, даў інтэрв’ю
2021.10.10 17:22

Пасля публікацыі трох запісаў здзекаў з вязняў у Саратаўскім сухотным шпіталі, была распачатая крымінальная справа. Некалькі кіраўнікоў рэгіянальнага ўпраўлення турэмнага ведамства звольненыя.

Сяргей Савельеў з’ехаў у Францыю, дзе папрасіў палітычнага прытулку.

ГГ, belsat.eu

Стужка навінаў