Лукашэнка распавёў, ці будзе ён абвяшчаць мабілізацыю ў Беларусі

Аляксандр Лукашэнка падчас візіту ў мемарыяльны комплекс «Хатынь» 23 верасня адказаў на пытанне, ці будзе ён абвяшчаць мабілізацыю ў Беларусі.

Аляксандр Лукашэнка ў Хатыні, 23 верасня 2022 года. Фота: тэлеграм-канал «Пул Первого»

«Гэта мабілізацыя ў Расеі. Тое, што на нас спрабуюць перакінуць гэты масток, што будзе і ў нас… а калі не будзе? Гэта вас, прапагандыстаў бы перацерлі. А ім жа за гэта нічога не будзе. Ім трэба стварыць сітуацыю. За нешта ўчапіцца. Не будзе ніякай мабілізацыі. Гэта хлусня», – прыводзіць словы Лукашэнкі тэлеграм-канал «Пул Первого».

У той жа час, паводле Лукашэнкі, Беларусь будзе абавязкова рэагаваць на магчымыя пагрозы, дзеля чаго на рэгулярнай падставе праводзяцца вучэнні, у тым ліку з удзелам народнага апалчэння.

У РФ мабілізуюць 1 млн чалавек: беларусы баяцца мабілізацыі ў РБ. Вечаровы эфір за 22 верасня

21 верасня, калі Расея абвесціла мабілізацыю, дзяржсакратар Рады бяспекі Беларусі Аляксандр Вальфовіч заявіў, што ў нас мабілізацыі не будзе, бо «народ Беларусі і краіна мабілізаваныя і так».

Марыя Міхалевіч belsat.eu

Падпісвайся на telegram Белсату

Hавiны