У Беларусі ўжо некалькі дзён запар затрымліваюць удзельнікаў страйку. Сілавікі прыходзяць да работнікаў «Горадня Азоту», БМЗ, МТЗ і Беларускай чыгункі. Некаторых змясцілі ў СІЗА КДБ, але ў чым вінавацяць затрыманых, невядома.
Працаўнікі ААТ «Горадня Азот». Горадня, Беларусь. 19 жніўня 2020 года.
Фота: ВМ / Белсат
Праваабаронцы «Вясны» паведамляюць пра 16 затрыманых працаўнікоў прадпрыемстваў з Менску, Горадні і Жлобіна. Некаторых завадчанаў пасля гутаркі вызвалілі, некаторых змясцілі ў СІЗА.
Hавiны
У Жлобіне затрымалі былую працаўніцу БМЗ
2021.09.23 12:02
На гэты момант праваабаронцам вядомыя наступныя прозвішчы асобаў, да якіх прыйшлі сілавікі:
- Сяргей Шэлест, «Горадня Азот», змешчаны ў СІЗА КДБ;
- Андрэй Пагерыла, «Горадня Азот», змешчаны ў СІЗА КДБ;
- Уладзімір Жураўка, «Горадня Азот»;
- Валянцін Цераневіч, «Горадня Азот»;
- Рыгор Рубан, «Горадня Азот», вызвалены;
- Вадзім Яфіменка, «Горадня Азот»;
- Дзмітрый Ільюшчанка, «Горадня Азот», вызвалены;
- Арцём Рубан, «Горадня Азот», вызвалены;
- Аляксей Сідар, «Горадня Азот», вызвалены;
- Андрэй Башан, «Горадня Азот», затрыманы раніцаю 23 верасня пасля начной змены;
- Аляксандр Гашнікаў, БМЗ, змешчаны ў СІЗА КДБ;
- Святлана Зыль, былая працаўніца БМЗ;
- Дзмітрый Елісееў, БМЗ, змешчаны ў Гомельскі СІЗА;
- Дзмітрый Жыліцкі, БМЗ;
- Ганна Аблаб, Беларуская чыгунка, змешчаная ў СІЗА КДБ;
- Сяргей Дзюба, Беларуская чыгунка, змешчаны ў СІЗА КДБ.
Таксама вядома пра затрыманне яшчэ аднаго завадчаніна з Беларускага металургічнага заводу. Ён выехаў на працу, але там не з’явіўся. Прозвішча затрыманага высвятляюць.
Гісторыі
Усё спакойна, але кадры ўцякаюць. Спыталі, што адбываецца на дзяржаўных прадпрыемствах
2021.08.30 18:17
АД belsat.eu