Міжнародны валютны фонд ухваліў рашэнне раздаць краінам $ 650 млрд. Беларусь не сталі ўключаць у спіс краінаў з нелегітымнымі рэжымамі, піша расейскае выданне РБК. Уладам Беларусі можа дастацца звыш $ 900 млн.
МВФ пакуль не публікаваў тлумачэння такога рашэння.
Заблакаваць рэжыму Аляксандра Лукашэнкі доступ да сродкаў МВФ заклікалі Святлана Ціханоўская, беларускія эканамісты і амерыканскія кангрэсмены.
Пры тым вылучэнне грошай не значыць, што імі дадуць скарыстацца. Сродкі выдаюць не наўпрост, а ў форме адмысловых правоў пазыкі (SDR), якія яшчэ трэба абмяняць на грошы. Эксперты кажуць, што атрыманне сродкаў магчыма заблакаваць на гэтым этапе.
Грошы раздаюць незалежна ад палітычнай сітуацыі дзеля задавальнення патрэбы ў рэзервах і падвышэння ўстойлівасці дзяржаваў падчас змагання з пандэміяй каронавіруса.
Выдаваць сродкі адмовіліся Афганістану, Венесуэле і М’янме.
АА belsat.eu