Генпракуратура падлічвае страты ў вайне, а спартоўцам забараняюць выязджаць за мяжу. Галоўныя падзеі ў малюнках
Мастак Дэ Лёс разам з belsat.eu праз малюнкі аналізуе падзеі апошніх дзён.
Генеральная пракуратура падлічыла страты Беларусі ў Другой сусветнай вайне. Паводле сілавікоў, яны склалі 500 млрдаў долараў. Хто мае выплаціць гэтыя страты афіцыйнаму Менску, у Генеральнай пракуратуры не ўдакладняюць.
18 жніўня дома ў журналістаў БелаПАН і ў офісе інфармацыйнай кампаніі адбыліся ператрусы. У журналістаў вынялі тэхніку, а сайт агенцтва перастаў адкрывацца як у Беларусі, так і за мяжою. Галоўную рэдактарку БелаПАН Ірыну Леўшыну, бухгалтарку Кацярыну Боеву і былога дырэктара Дзмітрыя Наважылава прызналі палітзняволенымі.
У вышэйшыя навучальныя ўстановы ў 2021 годзе планавалі прыняць 55 тысяч чалавек. Прынялі толькі 48 тысяч.
«Беларуская чыгунка» выводзіць з абарачэння амаль тры дзясяткі рэйсаў электрычак. Кажуць, што ў арганізацыі фінансавыя цяжкасці.
«Масава рэжуцца рэйсы звычайных «рыжанак» у менскія прыгарады – пакуль начныя і ранішнія. Ідуць чуткі пра тое, што самыя старыя з гэтых электрычак гэтак жа будуць парэзаныя на славу плану па здачы металалому, хоць хадзіць нават старым цягнікам яшчэ 10-15 гадоў паводле тэрмінаў, пазначаных яшчэ вытворцам.
Беларускім спартоўцам забаранілі выезды за мяжу, нават на спаборніцтвы, пра гэта паведаміла Крысціна Ціманоўская. Аднак афіцыйных пацверджанняў забароны няма
Дэ Лёс belsat.eu
