Воспу малпаў абвясцілі глабальнай надзвычайнай сітуацыяй


Сусветная арганізацыя здароўя (WHO) правяла 23 ліпеня брыфінг на тэму воспы малпаў. Хваробе надалі статус глабальнай надзвычайнай сітуацыі – найгоршы статус, што можа даць WHO.

Генеральны дырэктар Сусветнай арганізацыі здароўя Тэдрас Адханам Гебрэесус на брыфінгу аб воспе малпаў. 23 ліпеня 2022 года. Кадр з відэа: World Health Organization (WHO) / Twitter

Генеральны дырэктар WHO Тэдрас Адханам Гебрэесус (Tedros Adhanom Ghebreyesus) растлумачыў, што выбух воспы малпаў нясе высокія рызыкі ў Еўропе (вірус ужо дабраўся да Латвіі, Польшчы, Расеі), а ў астатніх рэгіёнах рызыкі пакуль сярэднія.

Пад найбольшай пагрозай – мужчыны, якія займаюцца сексам з мужчынамі, асабліва калі партнёраў шмат. Але заразіцца могуць і іншыя людзі: перадача ад чалавека чалавеку адбываецца пераважна паветрана-кропельным шляхам у выніку працяглага цеснага кантакту з інфікаванымі.

Аналітыка
Гэта што яшчэ за зараза такая? У Еўропу прыйшла воспа малпаў: што гэта такое, і з чым яе лепш не есці
2022.05.25 14:56

Статус глабальнай надзвычайнай сітуацыі, спадзяецца ён, паскорыць распрацоўванне вакцынаў і распаўсюд захадаў для абмежавання вірусу. Месяц таму, згадаў гендырэктар WHO, Камітэт надзвычайных здарэнняў вырашыў не даваць эпідэміі такога статусу. Тады паведамлялася пра 3040 выпадкаў воспы малпаў у 47 краінах. Цяпер жа вядома пра 16 000 выпадкаў у 75 краінах, а таксама пра пяць смерцяў ад хваробы. На гэты раз адпаведны камітэт таксама не дасягнуў кансэнсусу, але глабальную надзвычайную сітуацыю абвясціў сам гендырэктар WHO, раскрытыкаваўшы міжнародныя рэгуляцыі.

У сувязі з гэтым ён даў некалькі рэкамендацыяў: асобна для краінаў, у якіх не рэгістравалі выпадкаў воспы малпаў за апошнія тры тыдні, асобна для тых, дзе былі «прывазныя» выпадкі воспы малпаў і перадача ад чалавека чалавеку, асобна – краінам, дзе вірус перадаецца ад жывёлы чалавеку, і асобна – краінам, якія маюць магчымасць вырабляць вакцыны і лекі.

Аналітыка
COVID вярнуўся: у Еўропе новая хваля, у віруса новы падштам. Што вядома
2022.07.12 08:00

Алесь Наваборскі belsat.eu

Стужка навінаў