У Менскім абласным судзе абвесцілі прысуд філосафу і вядоўцу «Белсату» Уладзіміру Мацкевічу.
Працэс над ім праходзіў у закрытым рэжыме.
У сераду 22 чэрвеня Уладзімір Мацкевіч выступіў з апошнім словам.
Беларускі філосаф і метадолаг, вядоўца праграмы «Размова» на «Белсаце» Уладзімір Мацкевіч быў затрыманы 4 жніўня 2021 года. Яго трымаюць за кратамі ў СІЗА № 1 на Валадарскага ў Менску. Філосафа абвінавачваюць паводле трох артыкулаў Крымінальнага кодэксу: у «стварэнні і кіраванні экстрэмісцкім фармаваннем», «удзеле ў масавых беспарадках» і «абразе Лукашэнкі». Суд над ім пачаўся 9 чэрвеня.
Уладзімір Мацкевіч быў прызнаны палітвязнем 6 жніўня 2021 года. На знак пратэсту супраць хады следства 4 лютага 2022 года філосаф аб’явіў галадоўку, якая цягнулася 13 дзён і выклікала шырокую рэакцыю. Ён спыніў галадаванне пасля моцнага пагаршэння здароўя і наступнай сустрэчы са следчай.
14 красавіка стала вядома, што крымінальная справа Уладзіміра Мацкевіча накіраваная ў суд.
Алена Рувіна belsat.eu
