Праз пажар на Лукомскай ДРЭС значная частка Беларусі засталася без святла і вады

Магілёў без электрычнасці. Фота: Радыё Свабода

Позна ўвечары 24 чэрвеня значная частка тэрыторыі Беларусі засталася без электрычнасці. Прычына таму – аварыя на Лукомскай ДРЭС, што ў Чашніцкім раёне на Віцебшчыне.

У прэс-службе Міністэрства энергетыкі, паведамілі праз пажару на Лукомскай ДРЭС было парушанае электразабеспячэнне населеных пунктаў Магілёўскай і Віцебскай вобласцяў. Адключаныя 8 энергаблокаў ДРЭС і ўсе выходныя лініі 330 кВ.

Папярэдняя прычына пажару – пашкоджанне вымяральнага трансфарматара.

У Міністэрстве надзвычайных сітуацыяў адзначылі, што энергетыкі аператыўна аднаўляюць электразабеспячэнне.

«Інфармацыі пра пажары на «Нафтане», «Паліміры» або іншых прадпрыемствах у сувязі з адключэннем – няма», – паведамілі ў МНС.

Станам на 23:01 электразабеспячэнне большасці населеных пунктаў Магілёўшчыны і Віцебшчыны было адноўленае, заявілі ў Мінэнерга.

Паводле чытачоў «Белсату», пасля адключэння электрычнасці ў Віцебску, Віцебскім раёне, Шклове і Воршы ўзніклі праблемы з падачай вады. Месцамі яе не было зусім.

Таксама паведамлялася, што электрычнасць адсутнічала і ў менскай Серабранцы.

МГ belsat.eu

Падпісвайся на telegram Белсату

Hавiны