«Белсат» рыхтуе адмысловае выданне з нагоды затрымання Рамана Пратасевіча.
У нядзелю, 23 траўня, самалёт авіякампаніі «Ryanair», які ляцеў з Афінаў у Вільню, развярнуўся і прызямліўся ў аэрапорце Менску. На борце быў колішні рэдактар тэлеграм-каналу NEXTA Раман Пратасевіч. Нагадаем: Рамана абвінавачваюць паводле крымінальнага артыкулу 293 («Арганізацыя масавых беспарадкаў»), артыкулу 130 («Распальванне варожасці») і артыкулу 342 («Арганізацыя і рыхтаванне дзеянняў, што груба парушаюць грамадскі парадак»). У лістападзе 2020-га КДБ унёс блогера ў спіс тэрарыстаў.
А 21:00 у праграме «Тыдзень з Кулеем» мы абмяркуем гэтую сітуацыю. Госці студыі: стваральнік тэлеграм-каналу NEXTA Сцяпан Пуціла, матуля Рамана Пратасевіча, кіраўнік НАУ Павел Латушка, адмысловая спавяшчальніца ААН Анаіс Марын і былы аператыўнік СБУ, які патлумачыць, як рыхтуюць такія аперацыі.
ВЯ Belsat.eu