Зранку 23 сакавіка каля амбасадаў ЗША і Украіны ў Менску сабраліся людзі з плакатамі і праўладнымі сцягамі. Чаго яны патрабуюць і з якой нагоды там апынуліся, дакладна не вядома.
На плакатах пікетоўцаў ёсць такія надпісы: «Каляровыя рэвалюцыі ў Беларусі не пройдуць», «Адэса – Хатынь ХХІ стагоддзя», «Няма апраўдання нацызму!», «Не замінайце нам спакойна жыць у сваёй краіне».
Сярод плакатаў каля амбасады Укаіны відаць даволі радыкальныя ў дачыненні прэзідэнта Украіны лозунгі.
Да пікетоўцаў каля амбасады Украіны выйшаў амбасадар Украіны Ігар Кізім.
Журналісты «Белсату» паведамляюць, што падобны пікет з такімі самымі лозунгамі прайшоў каля ўкраінскага кансулату ў Берасці.
АД, belsat.eu