У Дэпартаменце ядравай і радыяцыйнай бяспекі МНС учора, 21 снежня, паведамілі, што было пастаноўлена выдаць ліцэнзію на пачатак фізічнага пуску другога энергаблоку Астравецкай АЭС.
Пастанову выдаць ліцэнзію БелАЭС на пачатак пуску другога энергаблоку выдала калегія Міністэрства надзвычайных сітуацыяў на падставе пададзеных Дзяржатамнаглядам звестак, якія ўлучаюць «абгрунтаванне бяспекі БелАЭС, экспертавыя заключэнні і вынікі комплекснага правярання» станцыі.
Фізічны пуск атамнай станцыі пачнецца з загрузкі ядравага паліва ў рэактар, што запланавалі на сёння. Прыме ўдзел прэм’ер-міністр Раман Галоўчанка. Таксама паведамляюць, што ён уручыць падзякі работнікам энергетычнай галіны, якія асабліва вызначыліся, у іхнае прафесійнае свята – Дзень энергетыка.
АД, belsat.eu
