З 7 кастрычніка бягучага году знаходзіцца за кратамі 51-гадовы жыхар Менску Віталь Умрэйка. Мужчыну чатыры разы затрымлівалі пасля адбыцця чарговага адміністратыўнага арышту, паведамляе Telegram-канал «Вясна» назірае».
22 лістапада пасля адбыцця трэцяга запар адміністратыўнага арышту ізноў асудзілі 51-гадовага кіраўніка праектаў адной са сталічных фірмаў Віталя Умрэйку. За кратамі мужчына знаходзіцца з 7 кастрычніка.
Міліцыянты пасля адбывання пакарання перазатрымлівалі Віталя Умрэйку і складалі пратаколы за адміністратыўнае правапарушэнне. 21 лістапада яго чарговы раз не вызвалілі, а склалі пратакол паводле арт. 19.1 КаАП («Дробнае хуліганства»).
За гэтае парушэнне суддзя Юлія Інчына прысудзіла мужчыне 13 содняў адміністратыўнага арышту. Агулам Віталь Умрэйка правядзе за кратамі 57 содняў.
СК belsat.eu