Літоўскія памежнікі 21 кастрычніка знайшлі чарговую партыю беларускіх цыгарэтаў, якую спрабавалі нелегальна ўвезці з Беларусі ў Еўразвяз, паведамляе мытная служба Літвы.
Амаль 3 тысячы кантрабандных пачкаў беларускіх цыгарэтаў былі знойдзены мытнікамі на посце Мядзінінкай. Пасля рэнтгенаўскага агляду цяжкавіка «Daf», які прыбыў з Беларусі, высветлілася, што цыгарэты былі схаваныя ў запасных колах аўтамабіля.
Знутры на колы была ўстаноўленая спецыяльная бляшаная абарона ад рэнтгенаўскага кантролю.
Кіроўца аўтамабіля цяпер пад падпіскай аб нявыездзе. У яго сканфіскавалі дакументы.
АД, belsat.eu