Доктар – пра адмену масачнага рэжыму: «Службовым асобам давядзецца адказваць і перад законам, і перад людзьмі»


Вядомы інфекцыяніст Мікіта Салавей пракаментаваў на сваёй старонцы ў Facebook пастанову Міністэрства аховы здароўя скасаваць абавязковы масачны рэжым у Беларусі.

На старонцы ў Facebook медык адзначае, што Мінздароўя прыняло гэтае рашэнне, «хутчэй за ўсё, нават не на піку захворвання, калі паліклінікі і стацыянары ўстановаў аховы здароўя ўсіх рэгіёнаў краіны захлынаюцца ад пацыентаў з COVID-19, нястачы кіслароду, лекавых сродкаў, калі прыпынілі дапамогу пацыентам практычна з усёй планавай паталогіяй, калі шмат якім пацыентаў нават з вострымі хваробамі дактары вымушаныя адпраўляць лячыцца дадому, бо фізічна няма куды шпіталізаваць».

Hавiны
Дактары: Чацвёртая хваля каронавіруса ў Беларусі нагадвае сітуацыю падчас першай хвалі ў Італіі ці Іспаніі
2021.09.30 11:32

Салавей кажа, што пазіцыя кіраўніцтва ведамства яго не здзіўляе:

«Ужо даўно асноўная мэта гэтага «міністэрства» – выслужыцца перад вышэйшымі чыноўнікамі, і дакладна не клопат пра людзей, усе паслядоўныя дзеянні ад фальсіфікацыяў статыстыкі пра захворванне і смяротнасць ад ковіду да дзіўна «тактычных» рашэнняў пра гэта яскрава сведчаць. Службовым асобам у недалёкай будучыні за гэта яшчэ давядзецца адказаць перад законам і беларускім народам».

Але вядомага інфекцыяніста здзіўляе пазіцыя вельмі многіх ягоных калегаў.

«Няўжо ў санітарна-эпідэмічнай службе, інфекцыйнай службе, анестэзіялогіі ды рэаніматалогіі, іншых галінах сярод штатных і пазаштатных спецыялістаў не засталося сапраўдных дактароў, для якіх здароўе і дабрабыт уласнага народу значна важнейшыя, чым імгненны дабрабыт купкі чыноўнікаў?

Колькі яшчэ трэба сотняў смерцяў пацыентаў за дзень, каб вы дасталі свае языкі з аднаго месца і нарэшце пачалі рабіць усё магчымае для спынення варʼяцтва, якое робіцца з ковідам

Салавей заклікаў беларусаў як мага хутчэй вакцынавацца, выкарыстоўваць маскі хоць бы ў транспарце і месцах масавага збору людзей, адмяніць неабавязковыя паходы ў крамы, гандлёвыя цэнтры, на забаўляльныя імпрэзы.

Аб’ектыў
Рэальная статыстыка ковід: «У моргу целы ляжаць у мяхах на сталах і падлозе»
2021.10.21 22:35

ІІ belsat.eu

 

Стужка навінаў