Медыі: У Расеі плануюць мабілізаваць да 1 млн асобаў. А па краіне зноў запалалі ваенкаматы

Засакрэчаны сёмы пункт Указу аб мабілізацыі дазваляе Міністэрству абароны Расеі заклікаць на вайну з Украінай адзін мільён чалавек. Пра гэта выданню «Новая газета. Европа» паведаміла крыніца ў Адміністрацыі прэзідэнта РФ.

Здымак мае ілюстрацыйны характар. Фота: Kurskov Yevgeny / TASS / Forum

У апублікаваным 21 верасня скане ўказу Уладзіміра Пуціна пра ўвядзенне ў Расеі мабілізацыі сёмы пункт дакументу абазначаны «для службовага карыстання». Прэс-сакратар прэзідэнта РФ Дзмітрый Пяскоў заявіў, што там вядзецца пра колькасць рэзервістаў, якіх могуць заклікаць у войска – да 300 тысяч асобаў.

«Лічбу некалькі разоў выпраўлялі, і ў выніку, спыніліся на мільёне», – удакладніў суразмоўца выдання змест засакрэчанага пункту.

Між тым Дзмітрый Пяскоў ужо зняпраўдзіў звесткі пра планы заклікаць у войска да мільёна асобаў.

«Гэта хлусня», – сказаў ён «РИА Новости».

Адзначым, што пасля абвяшчэння мабілізацыі ў Расеі адбылося ўжо некалькі нападаў на ваенкаматы. Гэтак, уначы на 22 верасня невядомыя спрабавалі падпаліць вайсковыя камісарыяты ў Санкт-Пецярбургу, Ніжнім Ноўгарадзе, горадзе Гай Арэнбургскай вобласці і сяле Кыра Забайкальскага краю. У Тальяці кактэйль Молатава кінулі ў дзверы гарадской адміністрацыі.

«Сітуацыя стане ахавай». У Расеі заклікаюць падпальваць ваенкаматы і не толькі

Якуб Хруст belsat.eu

Падпісвайся на telegram Белсату

Hавiны