Папярэдне СК называе прычынаю здарэння парушэнне правілаў бяспекі працы.
Паводле інфармацыі следства, днём 20 ліпеня 54-гадовы работнік аднаго з прадпрыемстваў Віцебску распілоўваў гранітную пліту. Падчас выканання працы фрагмент каменя ўпаў на мужчыну. Ён атрымаў траўмы, несумяшчальныя з жыццём.
На месца здарэння неадкладна выехала следча-аператыўная група. Выяўлена, што распілоўшчык, у парушэнне правілаў аховы працы, быў пад каменем і не выкарыстоўваў сродкаў індывідуальнай абароны.
Следчыя і спецыялісты агледзелі месца здарэння, апыталі сведкаў і вынялі відэазапісы. Па гэтым факце Віцебскі гарадскі аддзел Следчага камітэту праводзіць правяранне. Высвятляюцца ўсе акалічнасці здарэння.
Марыя Мурашка belsat.eu