«Кіберпартызаны» выклалі зліў размоваў сілавікоў пасля арышту Рамана Пратасевіча


Паводле інфармацыі «Кіберпартызанаў», сілавікі на запісе маюць дачыненне да прымусовай пасадкі самалёта «Ryanair» у Менску 23 траўня і затрымання Соф’і Сапегі і Рамана Пратасевіча.

Падчас тэлефонных размоваў, зробленых на наступны дзень пасля пасадкі самалёта 24 траўня 2021 года, гучаць канкрэтныя імёны датычных: Дудчык Сяргей Мікалаевіч са Штабу МУС, Халецкі Віталь Леанідавіч – дзяжурны ГУБАЗіКу, Гайко Артур Сяргеевіч – старэйшы аператыўны супрацоўнік ГУБАЗіКу.

«Гэтыя запісы даказваюць, што затрыманне было відавочна запланаванае. У той час, як кадэбэшнікі кіравалі пасадкай самалёта, супрацоўнікі ГУБАЗу рыхтаваліся да затрымання. Для гэтага першапачаткова былі створаныя 2 групы. У адной з іх было кіраўніцтва, а другая – пайшла на затрыманне», – сказана ў апісанні зліву.

Інтэрв’ю
Калі пачалі рыхтавацца да рэйкавай вайны і ці супрацоўнічаюць «Кіберпартызаны» са спецслужбамі?
2022.07.15 14:55

Некалькі дзён таму, 19 ліпеня, Рада Міжнароднай арганізацыі грамадзянскай авіяцыі (ICAO) завяршыла абмеркаванне інцыдэнту пасадкі самалёта «Ryanair» у Менску і асудзіла «здзяйсненне акту незаконнага ўмяшання» урадам Беларусі. Рада ICAO прызнала, што пагроза бомбы была наўмысна непраўдзівай і паставіла пад пагрозу бяспеку самалёта, а таксама, што пагроза была даведзеная да ведаму лётнага экіпажу паводле даручэння высокапасадных урадавых чыноўнікаў Беларусі.

Тады ў выніку вымушанай пасадкі самалёту арыштавалі блогера Рамана Пратасевіча і Соф’ю Сапегу.

Hавiны
ICAO апублікавала даклад аб расследаванні пасадкі самалёта «Ryanair» у Менску
2022.07.20 08:46

Алена Рувіна belsat.eu

Стужка навінаў