Польшча адправіць у Літву дапамогу праз сітуацыю з мігрантамі на мяжы з Беларуссю. Пра гэта паведамілі ў польскім МЗС.
«У сувязі з крызісам, звязаным з наплывам нелегальных мігрантаў з тэрыторыі Беларусі на мяжу з Літвой, Польшча вырашыла накіраваць канвоі з гуманітарнай дапамогай. Гэта жэст салідарнасці і падтрымкі нашага суседа і саюзніка», – адзначылі ў Міністэрстве замежных справаў Польшчы.
Матэрыяльная дапамога ўключае прадметы першай неабходнасці: намёты з абсталяваннем, электрагенератары, коўдры, паходныя ложкі, зэдлікі, паходныя сталы, абагравальнікі, пасцелі, коўдры і іншыя прадметы.
«Мы маем справу з крызісам, які быў створаны штучна і наўмысна. Мы асуджаем такі падыход, які выкарыстоўвае складаную сацыяльную, эканамічную, а часам і палітычную сітуацыю ў краінах паходжання мігрантаў у мэтах бягучага палітычнага парадку дня», – заявілі ў МЗС.
Крызіс росту нелегальных мігрантаў з Беларусі мае рэгіянальнае вымярэнне, ён больш за ўсё закранае Літву, але ўяўляе пагрозу для Польшчы і Латвіі. Пра гэта заявіў у інтэрв’ю «Белсату» Фабрыс Лежэры, дырэктар «Frontex» – Еўрапейскага агенцтва памежнай і берагавой аховы.
Толькі з пачатку ліпеня на беларуска-літоўскай мяжы затрымалі больш за 1,5 тысячы нелегальных мігрантаў. Пераважна гэта грамадзяне краінаў Блізкага Усходу, якія без нелегальна спрабуюць патрапіць на тэрыторыю ЕЗ.
МГ belsat.eu