З пачатку поўнамаштабнай вайны 24 лютага з Украіны выехалі 8 007 014 чалавек. Пра гэта паведамляе ўпраўленне вярхоўнага камісара ААН па справах бежанцаў.
Палова з бежанцаў перасекла мяжу з Польшчай – гэта 4,1 мільёна чалавек.Мяжу з Расеяй, па дадзеных ААН, перасекла 1,3 мільёна чалавек.
У Румынію выехала больш за 619 тысяч, а ў Малдову – больш за 507 тысяч чалавек. У Славакію выехала больш за 525 тысяч, у Венгрыю – больш за 814 тысяч, у Нямеччыну – 780 тысяч, у Грузію – 21 тысяча. Мяжу Украіны з Беларуссю, паводле звестак ААН, перасекла 16 600 чалавек.
Больш за 3,5 мільёна бежанцаў з Украіны атрымалі часовую абарону або аналагічныя нацыянальныя схемы абароны.
Да таго ж, з 28 лютага ва Украіну выехала больш за 2,8 мільёна чалавек, частка з іх вярнуліся назад ва Украіну пасля эвакуацыі.
Алена Рувіна belsat.eu