Намесніца дзяржаўнага сакратара ЗША па палітычных пытаннях Вікторыя Нуланд не выключае, што Уладзімір Пуцін можа выкарыстаць ва Украіне тактычную ядравую зброю. Пра гэта яна заявіла ў інтэрвʼю выданню «Європейська правда».
«Мы маем справу з Пуціным, і ён ужо аддаў загад здзяйсняць жудасныя, надзвычай жорсткія ваенныя злачынствы. Значыць, усё магчыма, і нам трэба быць гатовымі да ўжывання Расеяй розных відаў зброі з катастрафічнымі наступствамі.
Цяпер мы – і не толькі ЗША, але і іншыя прадстаўнікі трансатлантычнай супольнасці – вельмі настойліва даносім да Пуціна сігнал пра тое, што гэты крок будзе катастрофай не толькі для Украіны і для свету, але таксама будзе мець абсалютна катастрафічныя наступствы для самога Пуціна і таксама для Расеі», – заявіла яна.
Вікторыя Нуланд таксама распавяла ў інтэрвʼю выданню «Європейська правда», што Вашынгтон працуе з саюзнікамі па НАТО, каб Украіна атрымала больш рэактыўных сістэмаў.
«Мы ўжо пастаўляем сістэмы РСЗА. І не толькі мы пачалі гэта рабіць. Акрамя таго, мы цяпер працуем з іншымі саюзнікамі па NATO, каб даць Украіне больш рэактыўных сістэмаў», – заявіў яна.
РР belsat.eu