12 траўня адбудзецца паседжанне Эканамічнага суда па Гарадзеншчыне, на якім вызначаць лёс установы.
19 сакавіка 2021 года ў Цэнтры гарадскога жыцця адкрылі выставу мастака Алеся Пушкіна «Пушкін у Горадні», на якой былі экспанаваныя прапановы роспісаў гарадзенскага Старога замку і творы мастака розных гадоў. Пракурор гораду Уладзімір Клішын палічыў, што адна з працаў парушае Закон аб супрацьдзеянні экстрэмізму і патрабуе зліквідаваць Цэнтр гарадскога жыцця.
Звольненыя акторы Гарадзенскага драматычнага тэатру запісалі відэа на падтрыманне Цэнтру гарадскога жыцця.
За пяць гадоў існавання пляцоўка зрабілася культавым месцам для творчых і ініцыятыўных гарадзенцаў. Тут зладзілі больш за 250 культурніцкіх і асветніцкіх імпрэзаў, больш за сотню прэзентацыяў кніг, сустрэчаў з выбітнымі літаратарамі і цікавымі гасцямі, некалькі вялікіх фестываляў, каля 70 мастацкіх і фотавыставаў.
ВК, belsat.eu