Міністэрствы энергетыкі Беларусі і Расеі завяршаюць работу над праектам дагавора аб фармаванні аб’яднанага рынку электраэнергіі Саюзнай дзяржавы, паведамляе прэс-служба Мінэнерга.
Пра гэта ішла размова на перагаворах намесніка міністра дзвюх краін Дзяніса Мароза і Паўла Сніккарса.
Падчас перагавораў разглядаліся ўмовы супрацоўніцтва ў рамках саюзнай праграмы па рынку электраэнергіі. Таксама рыхтуюцца правілы функцыянавання рынку.
«Дакумент знаходзіцца на фінішным этапе падрыхтоўкі да падпісання», – паведаміў Дзяніс Мароз.
Бакі таксама абмяркоўвалі падыходы да пераходу на расейскія рублі пры разліках у электраэнергетычнай сферы.
Такія перамены ў энергетычным сектары пачаліся з прычыны таго, што Украіна на год раней выйшла з аб’яднанай энергетычнай прасторы Расеі і Беларусі.
АД belsat.eu