Улады адмовілі арганізатарам Дня Волі з прычыны каронавіруса


Дзень Волі-2017.
Фота: journalby.com

Арганізатары святкавання 103-й гадавіны абвяшчэння Беларускай Народнай Рэспублікі ў Менску атрымалі адмоўны адказ з міліцыі, паведамляе радыё «Свабода».

Старшыня Партыі БНФ Рыгор Кастусёў распавёў, што ў ГУУС Менгарвыканкаму патлумачылі адмову на просьбу заключыць дамову пандэміяй каронавіруса і заклікамі «экстрэмісцкіх тэлеграм-каналаў» выходзіць на вуліцы. Міліцыя лічыць правядзенне масавага мерапрыемства не магчымым.

Апратэставаць рашэнне ў судзе да 25 сакавіка арганізатары не паспеюць. Гэта азначае, кажа Кастусёў, што афіцыйнага дазволу гарвыканкаму заяўнікі наўрад ці атрымаюць.

9 сакавіка Беларуская сацыял-дэмакратычная партыя (Грамада), рух «За свабоду» і грамадская арганізацыя БНФ «Адраджэнне» падалі ў Менгарвыканкам заяўку на правядзенне шэсця і мітынгу, прысвечаных Дню Волі.

МГМ belsat.eu

Стужка навінаў