На курсах «Мова нанова» ў Ваўкавыску затрымалі ўсіх удзельнікаў мерапрыемства. Падставай для затрымання стаў нібыта ананімны сігнал, паведамляе Telegram-канал @motolkohelp, а таксама чытачы belsat.eu.
У Ваўкавыску міліцыянты затрымалі каля 35-40 удзельнікаў курсаў «Мова нанова». На затрыманне прыбыў нават кіраўнік мясцовага РАУС Асоцкі Віталь.
Падставай для затрымання стаў нібыта ананімны сігнал. Сярод затрыманых і Ігар Варашкевіч, лідар гурта «Крама».
Пазней затрыманых пачалі вызваляць з мясцовага РАУС. Перад вызваленнем людзям даюць падпісаць паперу.
Два тыдні таму ў Лідзе на курсах «Мова нанова» таксама затрымалі ўсіх удзельнікаў. А ў Горадні на дзіцячую «Мова нанова», прыходзіла адміністратарка каналу «Інфаспецназ» і здымала ўдзельнікаў мерапрыемства.
СК belsat.eu