Менскі гарадскі суд адмовіў абароне Марыі Калеснікавай у задавальненні скаргі аб працягу тэрміну ўтрымання пад вартай. Калеснікава застанецца ў СІЗА да 8 траўня, паведамляе прэс-служба Бабарыкі.
Папярэдні тэрмін утрымання скончыўся 8 сакавіка, але Марыі Калеснікавай не выпусцілі. Толькі праз дзень пасля завяршэння тэрміну стала вядома, што яе вырашылі пакінуць за кратамі. Следства працягнула тэрмін утрымання ў СІЗА Марыі Калеснікавай да 8 траўня.
Сябру прэзідыуму Каардынацыйнай рады вінавацяць у закліках да захопу ўлады (ч.3 арт. 361 Крымінальнага кодэксу), змове з мэтай захопу дзяржаўнай улады неканстытуцыйным шляхам (ч.1 арт. 357), а таксама стварэнні экстрэмісцкага фармавання і кіраўніцтве ім (ч. 1 арт. 361-1).
Калеснікаву затрымалі 7 верасня. І толькі праз два дні яе знайшлі ў СІЗА на Валадарскага.
СК belsat.eu
