Як паведамляе абвестка на цэнтральнай раённай лякарні, кожны работнік павінен прынесці 40 кг макулатуры, 24 кг шкла і 6 кг вырабаў з пластыка, піша сайт «Horki.info».
У Горацкай лякарні кажуць, што індывідуальныя нормы сёлета ўведзеныя ўпершыню. Раней быў агульны план на ўсю лякарню. У розныя гады ён складаў ад двух да трох тон макулатуры.
Між тым супрацоўнікі адной з горацкіх устаноў культуры кажуць, што іх могуць пазбавіць прэміі, калі арганізацыя не выканае нормы па здачы другаснай сыравіны.
Горацкія чыноўнікі лічаць, што планы па зборы другаснай сыравіны – завоблачныя, паведамляе «Horki.info».
ЮВ, belsat.eu