За 20 лістапада з-за моцнага ветру, парывы якога дасягалі 23 м/с, па Беларусі пацярпелі 224 населеныя пункты ў 23 раёнах краіны, паведамляе прэс-служба МНС.
Днём 21 лістапада месцамі па краіне чакаецца ўзмацненне ветру парывамі да 15-18 м/с. Аб’яўлены жоўты ўзровень небяспекі.
На працягу сутак перыядычна парушалася электразабеспячэнне ў 499 населеных пунктаў, 76 сельскагаспадарчых будынкаў, 21 кацельні і 1736 трансфарматарных падстанцый.
На раніцу 21 лістапада застаюцца без электразабеспячэння 3 населеныя пункты і 25 трансфарматарных падстанцый.
Таксама былі пашкоджаны дахі 2 сельскагаспадарчых будынкаў у Магілёўскай вобласці.
Зафіксаваны 36 выпадкаў падзенняў дрэў: 2 – у Берасцейскай, 7 – у Віцебскай, 3 – у Менскай, 20 – у Магілёўскай вобласцях і 4 – у горадзе Менску, у выніку якіх пашкоджаны 1 легкавы аўтамабіль. Пацярпелых няма.
Работнікамі МНС правялі работы па распілоўцы і ўборцы дрэў. Вядуцца аднаўленчыя работы.
АД, belsat.eu
