Прэс-сакратарка Аляксандра Лукашэнкі Наталля Эйсмант у эфіры вядучага дзяржаўнага тэлеканалу пракаментавала заклікі да дыялогу паміж уладамі ў Беларусі і апазіцыяй.
Такую прапанову на днях агучыў прэзідэнт Расеі Уладзімір Пуцін, заявіўшы, што хоць сітуацыя ўнутры краіны супакоілася, але тым не менш праблемы ёсць.
Па яе словах Лукашэнка гатовы весці перамовы з прадстаўнікамі апазіцыі, якія жывуць у Беларусі і «настроены патрыятычна».
«З людзьмі, якія маюць любы пункт гледжання, але якія жывуць у краіне, разумеюць сітуацыю, за краіну, настроеныя патрыятычна, мы будзем размаўляць. З любой апазіцыяй. Са здраднікамі – не», – сказала яна, спасылаючыся на Лукашэнку.
Пра якую дакладна апазіцыю, з якой Лукашэнка можа сустрэцца, Эйсмант не ўзгадвае.
АД, belsat.eu