АМАП у Пінску, ноч на 10 жніўня 2020 года.
Фота: media-polesye.by
Сёння турэмныя тэрміны атрымалі яшчэ два чалавекі ў межах «пінскай справы», паведамляе карэспандэнт belsat.eu.
Сцяпан Дрозд атрымаў 4 гады калоніі ўзмоцненага рэжыму, а Ілля Бохан – 3,5 года калоніі ўзмоцненага рэжыму. Вырак прагучаў у судзе Ленінскага раёну Берасця 21 кастрычніка ад Андрэя Грушка, які ўжо трапіў пад санкцыі Еўразвязу за палітычныя прысуды.
Пінчукоў судзяць за пратэсты 9–10 жніўня 2020 года ў родным горадзе, усіх вінавацяць ва ўдзеле ў масавых закалотах (ч. 2 арт. 293 КК РБ). Увечары 9 жніўня пінчукі, якія хацелі даведацца вынікі выбараў, сабраліся каля мясцовага райвыканкаму і там адбылася сутычка з міліцыянтамі: людзі пачалі бараніцца ад нападаў сілавікоў.
Пазней завялі крымінальную справу, у якой ужо асудзілі 26 чалавек.
Вырак першым 14 асобам агучылі 30 красавіка, тады суддзя Яўген Брэган прысудзіў:
- Сяргею Маўшуку і Аляксандру Цярэшку – 6,5 года калоніі ўзмоцненага рэжыму;
- Раману Багнаўцу, Даніілу Богнату, Рыгору Гуньку, Сяргею Ляжэнку, Станіславу Міхайлаву, Вячаславу Рагашчуку, Ігару Салаўю, Артуру Халімончыку – 6 гадоў калоніі ўзмоцненага рэжыму;
- шматдзетнай маці Алене Маўшук – 6 гадоў калоніі агульнага рэжыму;
- Дэвіду Масціцкаму, Алегу Рубцу, Вячаславу Шалямету – 5,5 года калоніі ўзмоцненага рэжыму.
Прысуд другой групе з 10 чалавек агучыла суддзя суда Маскоўскага раёна Берасця Вера Філонік:
- Аляксандр Лопух атрымаў 5 гадоў і 6 месяцаў, Сяргей Цібец, Валянціна Колба, Андрэй Хвескавец – 5 гадоў;
- Леанід Германовіч, Андрэй Моцук, Аляксандр Шандыба – 4 гады і 6 месяцаў;
- Сяргей Волкаў, Аляксандр Шаламіцкі, Сяргей Шаламіцкі – 4 гады.
Гісторыі
Стаяў у намётавым мястэчку ў 2006-м, у 2020-м – абвінавачаны ў «пінскай справе». Распавядаем пра Ігара Салаўя, якога пакаралі 6 гадамі ўзмоцненага рэжыму
2021.05.01 08:30
Артыкулы
5,5 года за жменю зямлі, кінутую ў міліцыянтаў. Размова з маці палітвязня Алега Рубца
2021.05.19 08:36
Гісторыі
«Мамачка, забяры мяне адсюль. Мне так страшна, як ніколі раней». Як выглядае жыццё ў чаканні прысуду
2021.04.25 18:31
АС belsat.eu