Падыходзіць да заканчэння чарговы дзень пратэсту беларусаў супраць фальсіфікацыі прэзідэнцкіх выбараў і гвалту сілавікоў. Падводзім вынікі 21 верасня.
Беларусь зноў увайшла ў міжнародны парадак дня, дзякуючы Генеральнай Асамблеі ААН. На яе адкрыцці пра нашую краіну распавядалі лідары заходніх краін: прэзідэнт ЗША Джо Байдэн, Славакіі Зузана Чапутава, Літвы Гітанас Наўседа. Яны крытыкавалі ўлады краіны і падтрымлівалі пратэст грамадзянаў.
Абмяркоўвалася беларускае пытанне і на адмысловых слуханнях Хельсінкскай камісіі Кангрэсу ЗША. Абвінавацілі Беларусь, а з і Расею, у пошуках новых шляхоў нелегальнай міграцыі.
Прадстаўнікі ж Беларусі ў ААН распавядалі пра дэманстрантаў у Еўропе і абарыгенаў у Канадзе.
Унутры краіны працягнуліся рэпрэсіі. Сёння ахвярай зачысткі стаў Беларускі незалежны прафсаюз. У Наваполацку раніцай пачаўся ператрус у кватэры старшыні першаснай арганізацыі Беларускага незалежнага прафсаюзу на ААТ «Нафтан» Вольгі Брыцікавай. Затым ператрусы закранулі офіс БНП і аддзел маркетынгу «Нафтану».
Выпісваліся штрафы газетам, выносіліся новыя прысуды.
МГ belsat.eu
