Паплечніка рэжыму Лукашэнкі Юрыя Васкрасенскага разам з жонкай днём 21 жніўня заўважылі ў варшаўскай кавярні «Paręosób», паведамляе тэлеграм-канал «МотолькоПомоги».
Аўтары тэлеграм-каналу «МотолькоПомоги» рэзка адрэагавалі на візіт Васкрасенскага ў Польшчу: «Вось скажыце, ці вядомая персона Васкрасенскага? Напэўна, больш чым. І яго праца на рэжым Лукашэнкі і сілавікоў. Аднак гэта ніяк не перашкаджае Васкрасенскаму з жонкай сёння быць у Варшаве, каб потым, мабыць, паехаць у Будапэшт».
Імаверна, сужэнцы прыехалі на ўласным аўце:
Раней «Наша Ніва» паведамляла аб тым, што ў Будапэшце на імя Васкрасенскага ў жніўні быў зарэзерваваны нумар у пяцізоркавым гатэлі. Імаверна, пара накіроўваецца ў сталіцу Венгрыі.
Раней Юрый таксама прыязджаў на эканамічны форум у Польшчу. Арганізатары тады сцвярджалі, што запрасілі Васкрасенскага памылкова і слова даваць яму не плануюць.
Алена Рувіна belsat.eu