За суботу 21 жніўня на менскай кальцавой дарозе адбылося адразу два ДТЗ – на 15-м і 40-м кіламетрах, паведамляе УДАІ ГУУС Менгарвыканкаму.
У першай палове дня, каля 11 гадзін раніцы, 24-гадовы кіроўца аўтамабіля «Renault», які ехаў па знешнім кальцы МКАД з боку вёскі Зацень у напрамку вуліцы Ціміразева, не справіўся з кіраваннем і ўрэзаўся ў раздзяляльную агароджу. Пасля гэтага машыну адкінула на праязджаючы побач аўтамабіль «Chevrolet».
У ДТЗ ніхто не пацярпеў, аўтамабілі атрымалі механічныя пашкоджанні.
З-за аварыі на ўчастку ад праспекта Пераможцаў у напрамку вуліцы Ціміразева быў часова абцяжараны рух.
Яшчэ адна сур’ёзныя аварыя з лятальным зыходам адбылася днём на 13-м кіламетры знешняга кальца МКАД.
Каля 17 гадзін 27-гадовая дзяўчына на аўтамабілі «Fiat», рухаючыся па знешняму кальцу МКАД з боку Ігуменскага тракту ў напрамку вуліцы Свіслацкай, пры перастройванні сутыкнулася з аўтамабілем «Citroen».
Пасля гэтага дзяўчына страціла кантроль над кіраваннем аўтамабіля і наехала на асвятляльную мачту. Пацярпелую прыйшлося дэблакіраваць пры дапамозе адмысловай прылады.
Аднак ад атрыманых траўмаў дзяўчына памерла па дарозе ў шпіталь.
АД, belsat.eu