Лідары краін АДКБ абмяркуюць пытанні бяспекі ў сувязі з сітуацыяй у Афганістане ў рэжыме відэаканферэнцыі 23 жніўня.
Пра гэта стала вядома падчас сустрэчы прэзідэнта РФ Уладзімір Пуцін з прэзідэнтам Казахстана Касым-Жамарт Такаеў.
«Цяпер адно з найбольш актуальных пытанняў – гэта пытанні бяспекі, асабліва ў сувязі з падзеямі, якія зараз развіваюцца ў Афганістане. Мы ў панядзелак, спадзяюся, збяромся ў рэжыме відэаканферэнцыі ў рамках АДКБ, проста зверым гадзіннікі», – цытуе Пуціна прэс-служба Крамля.
У Арганізацыю Дамовы аб калектыўнай бяспецы (АДКБ) уваходзяць Беларусь, Расея, Арменія, Казахстан, Кыргызстан і Таджыкістан.
Нагадаем, у жніўні 2021 года ўладу ў Афганістане захапіў радыкальны ісламісцкі рух «Талібан». Аналітыкі не выключаюць, што талібы могуць пасля гэтага перайсці да вонкавай экспансіі і затакаваць краіны Сярэдняй Азіі, якія ўваходзяць у АДКБ.
ІІ belsat.eu