Экаактывісты запусцілі інструмент для развязку экалагічных праблемаў паўсядзённага жыцця ў Беларусі – «Зялёны тэлефон».
«Зялёны тэлефон» – гэта бясплатная кансультацыя наконт залагоджвання экалагічнай праблемы ад дасведчаных аператараў. Яны падкажуць, як скласці афіцыйны зварот ці арганізаваць грамадскія слуханні, дадуць параду.
Фота: ТК / Белсат
Парады можна атрымаць наконт розных праблемаў, напрыклад, калі ў вашым двары высякаюць дрэвы, адсутнічаюць кантэйнеры для асобнага збору смецця ці суседзі паркуюцца на зялёнай зоне. Можа, вы знайшлі несанкцыянаваную звалку ці хочаце праверыць законнасць новай будоўлі. З усімі гэтымі пытанням і не толькі можна звяртацца да службы «Зялёны тэлефон».
Звярнуцца на інфалінію можна адным са спосабаў:
- патэлефанаваць на нумар +375 29 1702670;
- патэлефанаваць ці напісаць у мэсэнджарах Viber ці Telegram +375 29 1702670;
- напісаць на e-mail: greenphonehelp@gmail.com;
- напісаць у Telegram @green_phone_help;
- напісаць у «Інстаграме», «УКантакце», «Фэйсбуку», «Аднакласніках».
Hавiны
Беларусь выйшла з Оргускай канвенцыі. Прычыну пасаромеліся назваць, але мы здагадваемся
2022.07.18 23:12
Алена Рувіна belsat.eu
