Маскоўскі суд пакінуў у сіле рашэнне аб экстрадыцыі беларускага спартоўца Аляксея Кудзіна


Апеляцыйны суд не адмяніў пастанову аб выдачы байца ММА Аляксея Кудзіна ў Беларусь, нягледзячы на забарону Еўрапейскага суду па правах чалавека.

Пра гэта паведамляе «Радыё «Свабода» са спасылкай на камітэт «Грамадзянскае спрыянне», які аказваў юрыдычную дапамогу спартоўцу.

21 ліпеня, яшчэ да пачатку судовага паседжання, Еўрапейскі суд па правах чалавека забараніў Расеі экстрадыцыю Кудзіна ў сувязі з рызыкай пераследу і катаванняў для яго ў Беларусі.

Hавiны
У Маскве затрымалі байца MMA Аляксея Кудзіна, які адправіў у накаўт сілавіка ў Маладзечне
2021.01.21 14:13

Аляксея Кудзіна затрымалі ў Расеі 21 студзеня. Яго абвінавачваюць паводле артыкулу «Супраціў супрацоўніку органаў унутраных справаў або іншай асобе, якія ахоўваюць грамадскі парадак». У Беларусі спартоўцу пагражае да 7 гадоў зняволення.

ГГ, belsat.eu

Стужка навінаў