Сёння, 21 ліпеня, перад пасяджэннем стала вядома, што Еўрапейскі суд пагадзіўся з довадамі пра пераслед і магчымасці катавання ў дачыненні Аляксея Кудзіна ў Беларусі, паведамляе Беларускі фонд спартовай салідарнасці.
«Нам далі 39-е правіла, у адпаведнасці з якім маецца забарона на экстрадыцыю, то бок Аляксей павінен заставацца ў Расеі, пакуль канчатковае рашэнне не будзе прынятае Еўрапейскім судом. Першага пасяджэння не адбылося з той прычыны, што не працуе інтэрнэт, Аляксей не можа браць удзелу, мы чакаем, калі ўсё запрацуе. Наступнае пасяджэнне прызначанае на 14:00», – распавяла адвакатка камітэту «Грамадзянскае спрыянне» Марыя Красава.
Нагадаем, што Аляксея Кудзіна затрымалі ў Расеі 21 студзеня. Яго абвінавачваюць паводле артыкулу «Супраціў супрацоўніку органаў унутраных справаў або іншай асобе, якія ахоўваюць грамадскі парадак». У Беларусі спартоўцу пагражае да 7 гадоў зняволення.
АД, belsat.eu