Пінскі райвыканкам сваёй пастановаю № 719 ад 30 траўня забараніў выкарыстоўваць маламерныя судны на рэках, што праходзяць праз мяжу з Украінай. Дакумент апублікаваны 21 чэрвеня на Нацыянальным прававым інтэрнет-партале.
Паводле яго, забаронена плаванне на маламерных суднах на рэках Прыпяць і Прастыр ад месца іх зліцця да мяжы з Украінай, а таксама на рацэ Стыр ад вёскі Востраў уключна і да мяжы.
Забарона не датычыць суднаў органаў рыбалоўнага і прыродаахоўнага кантролю, бяспекі суднаходства, дзяржаўных органаў бяспекі Беларусі.
Раней падобныя забароны былі ўведзеныя на рэках Сож і Дняпро ў Лоеўскім і Брагінскім раёнах.
Да маламерных суднаў адносяцца чаўны, у тым ліку надзіманыя, маторныя і вяслярныя, байдаркі, гідрацыклы, катары, катамараны.
Якуб Хруст belsat.eu