У гусляра і вакаліста «Старога Ольсы» Алеся Чумакова згарэла майстэрня з інструментамі

Увечары 5 красавіка ў Алеся Чумакова згарэла майстэрня з інструментамі, аднак музыка напісаў пра здарэнне толькі цяпер.

Сам ён таксама пацярпеў ад пажару, атрымаўшы апёкі трэцяй ступені. Чумакоў спрабаваў пагасіць пажар самастойна і ўратаваць усё, што захоўвалася ў майстэрні.

Фота: Алесь Чумаков/ Вконтакте

«Імгненні – і зніклі 20-гадовыя запасы музычнага дрэва, некалькі гатовых інструментаў, прафесійныя станкі і электраінструмент, стубцыны, сотні дробных каштоўных прыладаў, што майстар назапашвае гадамі, хімія, чарцяжы, шаблоны, занатоўкі…

Адразу супакою: я дома, апёкі яшчэ трэба далячыць, але са шпіталю ўжо адпусцілі.

Хуткая дапамога прывезла мяне ў шпіталь хуткай медыцынскай дапамогі, суткі ў рэанімацыі, тэрміновая бронхаскапія (чыстка лёгкіх), потым у стацыянар на паўтара тыдня: лекі, перавязкі, кісларод, штодзённыя баракамеры і, дзякуючы нашым медыкам, – вось я дома. Рукі, галава: яшчэ некалькі тыдняў – і скура цалкам адновіцца.

Я хачу працягваць сваю працу — аднавіць і рэарганізаваць майстэрню ў лепшым і больш бяспечным выглядзе. Хачу, каб беларускія гуслі працягвалі граць па ўсім свеце», – напісаў Чумакоў.

Як дапамагчы музыку, можна даведацца па спасылцы.

Нюрнбэрг: як судзілі нацысцкіх злачынцаў і што засталося ад рэштак фашысцкай імперыі

АД belsat.eu

Падпісвайся на telegram Белсату

Hавiны