Прадстаўнікі Офісу Святланы Ціханоўскай распачалі візіт у Кіеў


Прадстаўнікі Офісу Святланы Ціханоўскай 21 красавіка прыехалі ў Кіеў з візітам, паведамляе Святлана Ціханоўская.

Прадстаўнікі Офісу Святланы Ціханоўскай у Кіеве. 21 красавіка 2022 года.
Фота: tsikhanouskaya/ Telegram

«Мы дабіраліся машынамі і змаглі пабачыць усё тое, што нарабіла расейская армія ў ваколіцах Кіева. Мы бачылі не ўсё, але тое, што мы ўбачылі, – гэта жахліва. Гэта трагедыя», – гаворыць кіраўнік Кабінету прадстаўнікоў Святланы Ціханоўскай Валер Кавалеўскі.

Кавалеўскі ды ягоная каманда перадалі батальёну імя Кастуся Каліноўскага транспарт, абсталяванне і гуманітарную дапамогу з Літвы.

«Мы ўпэўненыя, што гэтыя машыны добра паслужаць у справе абароны Украіны і вызвалення Беларусі. Усё гэта стала магчымым дзякуючы падтрыманню неабыякавых беларусаў. Салідарнасць – нашая галоўная зброя», – дадаў Валер Кавалеўскі.

Кавалеўскі распавёў пра далейшыя планы, сярод якіх – сустрэчы з афіцыйнымі прадстаўнікамі ўкраінскай улады, а таксама з беларускаю дыяспарай, якая працягвае актыўна дзеяць на тэрыторыі Украіны.

Гісторыі
Нюрнбэрг: як судзілі нацысцкіх злачынцаў і што засталося ад рэштак фашысцкай імперыі
2022.04.21 09:00

АД belsat.eu

Стужка навінаў