Іспанія адправіла Украіне 200 тон боепрыпасаў, 20 браніраваных транспартных сродкаў і іншых ваенных матэрыялаў, паведамляе УНІАН.
Пра гэта заявіў прэм’ер-міністр Іспаніі Педра Санчэс падчас сумеснага брыфінгу ў Кіеве з прэзідэнтам Украіны Уладзімірам Зяленскім і прэмʼер-міністракай Даніі Метэ Фрэдэрыксен.
Прадстаўніца Даніі распавяла, што яго краіна выдаткуе каля $90 мільёнаў на зброю для Украіны:
«Мы будзем рабіць усё магчымае, каб падтрымаць Украіну таксама ў будучыні». Акрамя таго, прэмʼер-міністарка паведаміла, што Данія прыме ўдзел у аднаўленні гораду Мікалаеў, зруйнаванага расейскімі войскамі.
Пентагон раскрыў дэталі ўзбраення з новага пакета дапамогі Украіне на $800 млн.
У прыватнасці, пакет уключае:
– 72 155-мм гаўбіцы і 144000 артылерыйскіх боепрыпасаў;
– 72 тактычныя машыны для буксіроўкі 155-мм гаўбіц;
– больш за 121 тактычны беспілотны лятальны апарат Phoenix Ghost;
– палявое абсталяванне і запасныя часткі.
Дэталі падаў прадстаўнік Пентагона Джон Кірбі.
«Гэта абавязкі разам з 18 155-мм гаўбіцамі, аб якіх было абʼяўлена 13 красавіка, забяспечвае дастатковую колькасць артылерыйскіх сістэм для аснашчэння пяці дывізіёнаў», – прыводзіць ягоныя словы Украинская правда.
МГМ, belsat.eu