Юрыя Белякова адпусцілі ўчора, забралі пашпарт, камп’ютар, тэлефон, паведамляе «Вясна».
Прадстаўнік Незалежнага прафсаюза работнікаў радыёэлектроннай прамысловасці (РЭП) Юрый Белякоў быў затрыманы 19 красавіка. Агулам пасля ператрусаў у офісах незалежных прафсаюзаў меркавана затрыманыя 14 актывістаў. Падчас аднаго з такіх ператрусаў у офісе Беларускага прафсаюзу працаўнікоў радыёэлектроннай прамысловасці прысутнічаў і Сяргей Чэрачэнь: палітык прыехаў усяго за некалькі хвілінаў да ўварвання кадэбэшнікаў, каб сустрэцца са старшынём РЭП Генадзем Фядынічам. Апошняга таксама змясцілі ў СІЗА КДБ, папярэдне затрымаўшы на 72 гадзіны.
20 красавіка лідары прафсаюзнага руху Сяргей Антусевіч, Генадзь Фядыніч, Мікалай Шарах і Аляксандр Еўдакімчык былі змешчаныя ў СІЗА КДБ.
МГМ, belsat.eu
