Як паведамляе МНС са спасылкаю на «Менскводаканал», у Кастрычніцкім, Ленінскім і Заводскім раёнах сталіцы парушанае водазабеспячэнне праз пашкоджанне вялікага водаправоду дыяметрам 1000 мм каля адной з будаўнічых пляцовак на вуліцы Убарэвіча. Аварыйныя брыгады працуюць на месцы, каб выявіць пашкоджанні. Чакаецца, што іх лакалізуюць найбліжэйшым часам, пасля чаго водаправод пачнуць рамантаваць.
У Менскім гарвыканкаме паведамілі, што магчымае часовае пагаршэнне якасці вады, а ў раёны, закранутыя аварыяй, былі накіраваныя цыстэрны з пітною вадой.
Месцы цыстэрнаў з вадою:
- Шпіталь хуткай медычнай дапамогі, вуліца Кіжаватава 60
- 10-ы шпіталь, вуліца Убарэвіча 73
- 3-і дзіцячы шпіталь, вул.Кіжэватава 60/1
- 11-ы шпіталь, вуліца Каржанеўскага 4
- Санаторная школа-інтэрнат № 9, вуліца Чарнігаўская 46
Аварыя водаправоду на вуліцы Убарэвіча ў Менску.
Фота: TUT.by
Аварыя водаправоду на вуліцы Убарэвіча ў Менску.
Фота: TUT.by
Аварыя водаправоду на вуліцы Убарэвіча ў Менску.
Фота: TUT.by
У сацыяльных сетках зʼявіліся адмысловыя чаты, дзе абмяркоўваюць спосабы дапамагчы з пітною вадою тым, каго закранула аварыя.
АА belsat.eu
