КДБ: Фігурантам справы аб дзяржаўным перавароце выстаўленыя абвінавачанні, яны даюць паказанні

Фігурантам справы аб дзяржаўным перавароце выстаўленыя абвінавачанні, яны даюць паказанні і супрацоўнічаюць са следствам, паведаміў прадстаўнік КДБ Канстанцін Бычак у эфіры тэлеканалу «Беларусь 1».

– Чатыром затрыманым выстаўленыя абвінавачанні паводле часткі 1 артыкулу 357 Крымінальнага кодэксу («Змова альбо іншыя дзеянні, учыненыя з мэтаю захопу або ўтрымання дзяржаўнай улады ў неканстытуцыйным парадку»). Усе яны даюць паказанні і актыўна супрацоўнічаюць са следствам, – сказаў Канстанцін Бычак.

Рыгор Кастусёў, Аляксандр Фядута, Юрась Зянковіч

Паводле начальніка следчага аддзелу КДБ, аператыўныя захады супраць «удзельнікаў змовы» працягваліся больш за паўгода. Ён адзначыў, што ўсе этапы супрацьпраўнай дзейнасці былі зафіксаваныя ў тым ліку пры дапамозе тэхнічных сродкаў.

Імёны трох затрыманых у «справе дзяржаўнага перавароту» вядомыя: гэта старшыня Партыі БНФ Рыгор Кастусёў, палітычны тэхнолаг Аляксандр Фядута, адвакат Юрый Зяньковіч. Імя чацвёртага фігуранта справы не называюць. Паводле выстаўленага абвінавачання, затрыманым пагражае ад 8 да 12 гадоў зняволення.

«Гэта была адкрытая размова, запіс рассылаўся шмат каму». Ігар Макар адказаў на новыя абвінавачанні ўладаў

Сюжэт з замахам на правадыра

Што кажуць эксперты пра «вайсковы пераварот» і наступствы спецаперацыі КДБ-ФСБ

Падпісвайся на telegram Белсату

Hавiны