Вашынгтон накіраваў у Вільню запыт аб часовай акрэдытацыі амбасадара ў Літве, паведамляе LRT.
На гэтым тыдні міністр замежных спраў Беларусі Уладзімір Макей заявіў, што Беларусь гатовая прыняць Джулі Фішэр «у любы момант».
Аднак паведамлялася, што амбасадар ЗША ў Беларусі Джулі Фішэр не можа прыехаць у Менск. Справа ў тым, што ў Фішэр няма беларускай візы.
«З новага года я вельмі спадзявалася прыехаць у Менск. У канцы снежня я была зацверджана Сенатам. Але сёння я не магу прыехаць у Менск. Злучаныя Штаты, са свайго боку, гатовыя. Я была гатовая, і мы чакаем ад беларускага боку адпаведных дзеянняў», – сказала Фішэр.
МГМ, belsat.eu