256-ы дзень пратэстаў: пераслед музыкаў, новыя палітвязні і сілавікі ў Менску

Акцыі пратэсту ў Беларусі працягваюцца 255 дзён. Грамадзяне краіны патрабуюць спыненне гвалту, пакараць вінаватых у прававым бязмежжы. «Белсат» падводзіць вынікі дня.

Даўгі беларускага рытэйлу б’юць усе рэкорды

Сумарныя даўгі флагманаў раздробнага гандлю на 1 сакавіка дасягнулі Br 9,87 млрд. Гэта максімум за ўвесь час вядзення статыстыкі паводле актуальнай методыкі.

За 12 месяцаў раздробны гандаль нарасціў даўгі на 26,7 %, або больш як на Br 2 млрд. У значнай ступені гэта звязана з дэвальвацыяй беларускага рубля, бо вялікая частка абавязкаў рытэйлу намінаваная ў валюце.

Даўгі беларускага рытэйлу б’юць усе рэкорды

Раніцай 21 красавіка ў Менску заўважылі актыўнасць сілавікоў

Сілавікі на вуліцах Менску 21 красавіка. Фота: nashaniva / Telegram

Людзі паведамляць пра дзясяткі людзей са шчытамі ў раёне аднаго з факультэтаў Акадэміі МУС на вуліцы Філімонава.

Назіраюцца калоны вайсковых машынаў, шыхтаванні байцоў са шчытамі, перамяшчэнне спецтэхнікі.

«Толькі што калона з 6 доўгіх аўтобусаў прайшла ў бок Уручча ад Акадэміі МУС, усе пасажыры ў баявых камплектах, вокны шмат дзе завешаныя», – паведамляюць чытачы.

Афіцыйна – гэта вучэнні.

Беларускія дэпутаты прынялі шэраг рэпрэсіўных законаў

Гэтак, сенатары прынялі дакумент аб змяненні законаў у пытаннях процідзеяння экстрэмізму. Як адзначыў генеральны пракурор Андрэй Швед, законапраект прадугледжвае «захады прафілактычнага, папераджальнага і карнага характару».

Апроч таго, быў ухвалены законапраект аб змяненні законаў адносна медыяў. Змены накіраваныя «на ліквідацыю гэтых прабелаў або вузкіх месцаў у заканадаўстве», якімі «карысталіся нашы нядобрасумленныя калегі», сказаў міністр інфармацыі Уладзімір Пярцоў.

Таксама дэпутаты ўхвалілі законапраект «Аб змяненні Закону Рэспублікі Беларусь« Аб дзяржаўнай абароне суддзяў, службовых асобаў праваахоўных і кантрольных (наглядных) органаў, супрацоўнікаў органаў дзяржаўнай аховы».

У дакумент унесенае паняцце «іншыя асобы пад абаронаю». Як распавёў міністр унутраных справаў Іван Кубракоў, цяпер кожны грамадзянін, у дачыненні якога паступаюць пагрозы, звяртаецца ў органы ўнутраных справаў, якія вызначаюць ступень пагрозы і абароны.

«Камусьці дастаткова проста змяніць месца працы ці месца жыхарства, а камусьці неабходныя змены знешнасці», – адзначыў кіраўнік МУС.

Да саліста «Gods Tower» за каментар у сацсетках прыйшлі следчыя

Фота belsat.eu

Да лідара музычнага гурта «Gods Tower» Лэслі Найфа (Уладзіслава Наважылава) прыйшоў Следчы камітэт.

Паводле папярэдняй інфармацыі, музыку можа пагражаць крымінальная справа за абразлівы каментар у Facebook.

BYPOL: У сваім кабінеце застрэліўся начальнік па наркакантролю Аршанскага РАУС

Сёння, 21 красавіка, у сваім службовым кабінеце застрэліўся з табельнага пісталета начальнік групы наркакантролю і процідзеянню гандлю людзьмі Аршанскага РАУС падпалкоўнік міліцыі Кавальчук Руслан Уладзіміравіч, паведамляе BYPOL.

Руслан Кавальчук быў 1984 года нараджэння і меў стаж службы 20 гадоў.

BYPOL: У сваім кабінеце застрэліўся начальнік па наркакантролю Аршанскага РАУС

Праваабаронцы прызналі палітвязнямі яшчэ траіх чалавек

Праваабаронцы перакананыя, што непрапарцыйна жорсткія дзеянні міліцыі, скіраваныя на спыненне мірных сходаў, нельга разглядаць як законную дзейнасць па абароне і ахове грамадскага парадку. Гвалт з боку ўдзельнікаў пратэсту абгрунтаваны бо справакаваны самімі прадстаўнікамі МУС.

Сёння прызнаныя палітвязнямі сталі:

Ігар Букас – (асуджаны на чатыры гады пазбаўлення волі па арт. 364 КК);

Алег Букас – (асуджаны на два гады пазбаўлення волі па арт. 364 КК);

Іван Цагалка – (асуджаны на тры гады пазбаўлення волі па ч.1 арт. 342 КК, арт. 364 КК).

Цяпер у краіне палітзняволенымі прызнаныя 358 чалавек.

А беларусы працягваюць паказваць, што яны ёсць і супраць рэпрэсій

Вулічныя пратэсты. Барысаў. Фота чытачоў Белсат

МГМ, belsat.eu

Падпісвайся на telegram Белсату

Hавiны