За фота вайсковай тэхнікі і перадачу яго «экстрэмісцкаму Telegram-каналу» затрымалі жыхара Пінску
33-гадовага жыхара Пінску затрымалі за тое, што 27 лютага выйшаў на сувязь з адміністратарамі Telegram-каналаў, якія з’яўляюцца ўдзельнікамі «экстрэмісцкага фармавання». Мужчыну абвінавачваюь у тым, што ён перадаў фотаздымкі з вайсковай тэхнікай, паведамляе Следчы камітэт.
Следчыя паведамляюць пра затрыманне 33-гадовага жыхара Пінску, які, «паддаўшыся дэструктыўнаму ўплыву тэлеграм-каналаў, паверыў у сваю беспакаранасць і ананімнасць, фатаграфаваў на камеру мабільнага тэлефона вайсковую тэхніку, ажыццяўляў здымкі перамяшчэнняў вайсковага транспарту і ў далейшым перадаў гэтыя звесткі адміністратарам экстрэмісцкіх тэлеграм-каналаў».
Жыхара Пінску абвінавачваюць паводле ч. 1 арт.361-4 («Спрыянне экстрэмісцкай дзейнасці»). Цяпер ён за кратамі.
У Беларусі за апошні месяц сілавікі не раз затрымлівалі грамадзянаў краіны і абвінавачвалі ў перадаванні фотаздымкаў рэсурсам «экстрэмісцкага фармавання». «Белсат» мае парады, як варта сябе засцерагацца, калі вы рабілі і перадавалі фота вайсковай тэхнікі.
АУ belsat.eu
