Урады краінаў Еўразвязу на гэтым тыдні збяруцца на шэраг самітаў з прэзідэнтам Злучаных Штатаў, які ў чацвер прыбудзе ў Брусель, паведамляе «Reuters».
Цяпер запланаваныя саміты NATO, Еўразвязу і «Вялікай сямёркі». Дыпламаты працуюць над пятым пакетам санкцыяў. Імкнучыся прымусіць прэзідэнта Расеі Уладзіміра Пуціна вывесці войскі з Украіны, ЕЗ разам з заходнімі саюзнікамі ўжо ўвёў шэраг санкцыяў, уключаючы замарожванне актываў расейскага Цэнтральнага банку.
Краіны Балтыі і Літва ў прыватнасці настойваюць на ўвядзенні нафтавага эмбарга, кажуць крыніцы «Reuters», але Нямеччына засцерагае ад надта хуткіх дзеянняў, бо цэны на энерганосьбіты для Еўропы і без таго высокія. Мінулыя чатыры пакеты санкцыяў не змусілі Расею спыніць вайну супраць Украіны.
МГМ, belsat.eu
